PATS besteit uit 5 onverschrokke knappe jonge kearels die mekaar zoewel binne as boete de bend regelmaotig treffe um onder ut genot van un lekker gleaske gerstenaat de meist onwaarschienlike onzin oet te haole. We stelle ôs heejonder efkes veur:
Achter ut drumstel zit Gerard Versleyen, unne Grubbevôrsternear in hert en niere, dea behalve de stökskes ôk wal ens de 4-snaorige gitaar vas pak. Behalve beej Pats! Is Gerard d'n drummer van de Plaggeband, ôk is hea reserveslaagwerker beej Immerklem en is hea regelmaotig te vinde in allerlei andere geleageheidsorkeste. Gerard is de man daesse tussedoor met de grappe huurs. Altied un möpke klaor en altied iets te lache. Tiggewoordig sleit hae de trom beej Zugabe, mar die môtte met de vastenaovend mar wieke want dan is deze SlagPatser allein mar beej ôs te vinde! `Gé is op 12 december bevalle van enne zoon... naja, bevalle haet zien megje gedaon, en dat terwiel hae in ôs iërste jaor nag as meistgewilde bandvreejgezel te book stond. Tiggewoordig zien dàt d'r 3... meistbegeerde vreejgezelle.
Dan hebbe we Jules Fransman, ozze Blierikse Bassist. Toen we begoste had hea nog un gitaar in hand, nôw nog aaf en toe, toen hea aangoof te wille gaon basse heat hea mar twiëje snaore van de gitaar aaf getrokke en is volop gaon basgitare. Ôk nimt hea un stuk van de zang vur zien reakening. Jules heat neave Pats ... en Zugabe nog un paar projekte laupe met andere Grubbevorster, maar of hea alles kèn blieve doon asse straks naor Utreg geit is nog de vraog. In idder geval hebbe weej um vur 11 jaor, 11 maond, 11 weake en 11 daag alvast gekleemd. De letste ontwikkelinge zien det Jules op de verlangliest steit van andere dialekbands, mar die visse allemaol achter ut net. Pats is ok Jules zien 'kiendje', dus Gé is ni de einige pappa van de band, alhoewel Gé wal en megje haet.
Roberto Zimmermensch, oftewel Rob Timmermans! De Grubbevôrster Gitaris en Zanger dea neave Pats ok nog beej Rauw zit. Rauw waar in eur debuutjaor al metein suksesvol op de Grubbevôrster liedjesaovend. En asof ut ni genôg is speult Rob ôk nog ens beej de Plaggeband. Deeze sportman in hert en niere heat neave zien gitaar speule en judooë nag un andere hobbie; namelik ut vur de gek halde van bendleeje. Hea speult met vuel finesse de meiste gitaarsolo's en is regelmaotig lijdend veurwerp in liedjes (en dàt ni allein as zanger.) Ge kint um belle op 32-16-8. Oh vrouwliej, ge meugt um ôk Herman neume, dàt vindt hae gaar gen probleem!
Wim Raedts, alias Funs of Kuëp. Gitaris en ôk zanger van jewelste. Wim is unne echte Zearumse Eazelskop dea behalve zien oeterlik en lengte, ôk zien stem en gitaarspel mei heat. Vurhear frontman beej un andere band, nôw ein van de 5 köp van Pats! Ziene beejnaam Funs heat hea te danke aan zien sjouw en bouw werke beej Zugabe, daor is hea namelik d'n vaste roadie. Wim zink ok beej Rauw, ut is dus gen wonder det die debutante metein in de prieze veele. Wim heat nog un groëte hobbie en det is ut zinge beej Vocal Connexion, allein mis hea daor ut pilske onder de optreajes ... misschien toch tièd um unne Beertender mei de Kerk in te neme?? As single man is Wim miër dan tevreeje, hae is ôk tedate en tedanse. Danse is ni ziene sterkste kant, dus as geej vur um doot danse dan mak ozze Wim de blits!
D'n Toetseman is Marcel Engelen, ôk unne Grubbevôrster jong dea niks leever duit as zich laote huure. Marcel zink ut meiste van ut rippertwaar en speult daorbeej op de toetse of op de keytar. Hea speult en zingt ni allein beej Pats! mar ôk beej de Grubbevôrster Plaggeband en hea is de rechterhand (en as die ni sluëp de linkerhand) van de frontman van Zugabe. Môchse toevallig oeit iets van 'de Sieskes' of van 'de Oetzendkrachte' huure, dan huurse Marcel zien stumke ôk. As 7 jaorig mormel speulde hea al de moeiste milledieje op d'n örgel, nôw duit hea eigelik nog steeds ut zelfde mar mak ut instrument de sound. Zien credo: Meziek is Emosie! Tiggewoordig is Marcel ôk d'n hofzenger van Gekke Maondaagsvereiniging de Plaggenhouwers. Hofzenger en gen Haofzenger (zoeas sommige minse interpretere) want de meiste plante zien ni taege zien geweld opgewasse. As raodslid haet hae de Plaggeband, Liedjesaovendband en Vastenaovesmis onder zien hoede, aevenals de schoëlecarnaval en ut altied geweldige Verkeskopbal waor Pats in 2010 zich schor haet gezonge ... van ut ein kwaam ut ander zulle we mâr zegge.
.jpg&view=y)
Nadat de Truujen hun vermaak hebben gehad is het tijd voor een avondje voor de mannen. Het Hengstenbal! Deze avond zal alle ingredienten voor een mannen feestje hebben!
Live stand up comedy met diverse comedians in een sfeervolle café-setting. Gevestigde comedians brengen hun beste grappen, verhalen en gedachtenspinsels. Een gevarieerde show met uiteenlopend talent en een bevlogen presentator die de acts aan elkaar praat! Een show om in een informele en ontspannen setting eens goed te lachen en te genieten. Deze editie van de comedy night is gewijd aan de carnaval. Dat is ook te zien in de line-up ditmaal: Um & Um, Ger Frenken en Pierre van Helden.
Ik ben Ger Frenken, geboren en "opgetogen" in Roggel. Sinds 1971 actief als buuttereedner en nog steeds dagelijks bezig met alles
Pierre van Helden is woonachtig in het Limburgse Melderslo. In deze plaats is hij ook begonnen met buutte. Door zijn succes werd hij gevraagd om bij de Dreumel in Horst op te treden. 
De carnaval staat weer op het punt om te beginnen. Om alvast goed in de stemming te komen speelt de feestband Pats! 
